بعت ديني علة مودك وأنتة مالك دين بقلم الشاعر جبار الشمري
بعت ديني علة مودك وأنتة مالك دين
يل دينك مصالح أحترگ دينك
آنة أبچي علة حسك وأحچي باليرضيك
بس تسعة باذيتي شنهو وك طينك
ما گتلك أبد ميصير الميصير
أضحي بكلشي لجلك و أنتة يا زينك
أمسمي الباب بسمك ومنة أخذوا أمراد
أشمدريني التعزة يوگف بدينك
علة شنهي أختلفنا وأحنة روح بروح
الچبير يظل چبير ويشخص بعينك
چنت أكبر إذا تكبر و أگول أرباي
حرامات بكبر تختل موازينك
سويتك قصيدة يل چنتلي إلهام
يشيطان الشعر چا وين تلقينك
طحت من عيني كلش جبل من يطيح
بعد ما تشفع أسمع كل سوادينك
شمس اللة هواي أحسن هي تنطي النور
شلي بذلة شمس أغلگ روازينك
ترد أضبارة قيدك وبحساب الگيك
وحگ هو علي أنرفض تعينك .
