بيسألوك ياقلب بقلم الشاعر فتحي وجيه
وبيسألوك ياقلب .
جبت القساوه منين .
كنت قلب طفل .
ملاك الحزن ليه .
عشت ياقلب في وهم .
ضيعت عمرك فيه ؟
ولا لبست توب .
مقاسك مش جاي عليه ؟ .....
قسيت ياقلب بجد .
لمّا انكسر عودك .
ونزفت كتير الدم .
وكرهت حتي وجودك .
ماهو انت ياقلب غلطت .
وعديت كده حدودك .
ازاي تعشق قمر .
هو القمر دا توبك .؟
النظره منه دوا .
بس مش توبك ....
ارجع ياقلب برئ .
وعد لاوطانك .
واوعي تبص لفوق .
وارمي احزانك .
واصبر لعله خير .
ولملم اركانك .
يمكن يوم تلاقي .
من يمسح دمعتك .
ويسكن في وجدانك ....
...............
انا عانيت بجد .
واتغدر كده بيا .
علشان سرحت بعيد .
وعشقت جنيه .
الوجه فلقه قمر
والخدود ورديه .
لا عمري هكون لها .
ولا كانت يوم ليا ....
...........
لكن انا وبصدق .
راجع صافي برئ .
عايش لكلمه حق .
بصوت عالي جرئ .
لاهكون يوم قاسي .
ولا غضب يملاني
وبكل قوه وعزم .
راجع لاوطاني .
ساجد لرب الكون .
والمولي يرعاني .....
المولي يرعاني
