قصيدة« بيت من الدمع» بقلم الشاعر المهندس سعيد الزيدي
إلمن اشكي همي ولوعتي ورجواي
مثل باني القصر صرت انه فوگ الماي
يجيني الليل بحزانه وضل شكاي
وانه بصفنتي وناري توچ بحشاي
تساعدني الجگاره واستكان الجاي
شفت سهم الدهر خوه وعهد وياي
ياحزن السنين ولوعتي وبچاي
يرويني الحزن ما ارتوي بالماي
الناس تلوم بيه وچمرتي بجفاي
و حظي وياي مثل الشوك والحفاي
ياجرح الدهر من الصغر بچلاي
بيت من الدمع والنوح ضل سلواي
يحير الي يداوي لو يريد شفاي
ياشجرة الطيب ونجمه فوك سماي
ياعطر الورد متنطره من صباي
خطبته من الوفه بس الزمن نهاي
ماتت فرحتي والشامت العزاي
