اليوم ودعتك حبيبي بقلم الشاعر عبد الائمة المرياني
اليوم ودعتك
حبيبي
وظل على دروبك دمع
اليوم روحي لوشكت
من يسمعلها
ومنهو غيرك ياحبيبي يستمع
يا بعدها شلون تجفيها وتروح
شلون بيه مننوجع
وين أدير العين بعدك
يلخذت الكلشي ومشيت
طلعت الحسره
غريبه حته بيت الشعر
ماصار الهابيت
شكد بنيت
بواهسك جنه وخضار
شكد برد مكفاك مني
شكد جنت بالملكه حار
مابجيت وداعتك لنك عزيز
هاي مودمعات لا
لا هاذ احتضار
اعتذرت هواي منك
رغم كلشي ماجنيت
والله ماكتلك
ولا طاري الرحيل
والله ماجان اعله بالي
لأن بعدك مستحيل
ولأن بعدك مستحيل
عيوني ما تشرب
ضوه بدنياها كاس
اشتعل بالليل كلي
ويهفت رماد النعاس
صح اشوف شكثر وادم
لكن بصحرة خيالي
ولاكو ناس
انته من ذبيتني بكلمة وداع
هاك بير وخلني يمك
مو ضياع
هاك نظراتي الجديده
لكسرت عيون الشراع
هاك بذرة مشتهاتي
لخاطري شوفلها كاع
أنه ماممكن بلا طيوفك اعيش
يل خذت من عيني شوفك
ليش ليش ليش
ليست هناك تعليقات:
إرسال تعليق