ومالوووووووو بقلم الشاعر عادل غتوري
قلبي كان عايش ف حاله
جه الغزال فات من قباله
رمش عين و بسهم طايش
الجمال قال باغتياله
راح وساب الحلو مرمي
اللي رايح واللى جاي
الجميع
يسأل...
دا ماله؟
قلبي كان
متروك لحاله
بإكتئآب
فوق احتماله
عاش سنين
والعمر يجري
العذاب
حاطت رحاله
كل مابيقسوا الحبايب
يبتسم..
.يبتسم
ويقول ..وماله
اللي غايب
بكره يرجع
بكره يحينا
بوصاله
مستحيل فى شيء هيمنع
نبض بيغني
لجماله
كل ما بتكتر دموعي
ف السما بيلمع هلاله
بس
لو يرحم
و طيفي
نص ثانية
يطوف بباله
عمر فات من تاني
يرجع
واللى راح
يرجع لحاله
باليمين
اكتب مشاعري
هو
يمحوها
بشماله
قلبي فاض به
ومش بيشكي
واللى قلته
هو قاله
الزعل بيروح
ويشفع
للحبيب حسنه
وجماله
