(حكاية مظلوم) بقلم الشاعر شاعر_علي_اوتار_المشاعر
حكاية مظلوم والدنيا سقياه
من المر والظلم ديما وياه
بس من كتر الظلم مبقتش تفرق معاه
خدوه لقاضي لاجل ياخد الأحكام
ما هو بنصيبه راضي حتي لو كان احلام
حكمت ليه ياقاضي من غير ماتحكي معاي
الشيلة دي مش شيلتي
قولي اشلها إزاي
شيلتني الهم بدري
والظلم ماشي معاي
ده ضلي في الظلام بيختفي
بس انا راضي بقضاي
عشت حياتي بالطول والعرض
وكنت راسمها فل ورد
بس الورد صبح دبلان
والفل غدر ومالوش امان
تيجي دلوقت علي الغلبان ؟
ديمآ كت مراعي ضميري
وحبي ديمآ واهبه لغيري
بس مافيش حد بيصون
تقدر تمشي يلا ياطيري
سافر يلا وروح بعيد
ما كله ظلم ومافيش جديد
حتي فرحي صبح عنيد
ما انت حكمت بسرعة يا قاضي
مسمعتش مني وكأنك مش فاضي
إديت الحكم علي إللي سمعته
بس بحكمك انا راضي
بس ربي إللي هايحكملي
وبالعدل تكون احكامه
من غير ما افتح بوقي في حاجة
كل حاجة مكشوفة قدامه
بس ياقاضي إسمعها مني
كلمة واحدة من مظلوم
إنت حكمك باطل يفني
وقدامك انا متهوم
بس دليل برأتي معاه
مع إللي عيونه ماتعرف نوم
حكمك باطل ولايهزني
واكيد جايلي العدل في يوم
طبعآ هاشوف إللي مكتوبلي
مهما تحكم ومهما تلوم
دي اخر كلمة كانت مني
ومن دلوقتي إنتها القول .
ليست هناك تعليقات:
إرسال تعليق