(اعذريني) بقلم الشاعر شاعر_علي_اوتار_المشاعر
لو يوم فرحك دعتيني ومقدرتش أجي
ما الحمل عليا تقيل
بس إنتي شايفاه عادي
طب خلاص انا هاجي ومتزعليش
وعشان الدعوة عليها متحزنيش
هاجي واشوفك بفستان فرحك
وإبتسامتك ماليا شفايفك
وإيديكي تكون في إيدين عريسك
وانا بعيوني واقف شايفك
وفي لحظة شريط حياتنا
قدام عيوني يكون مرسوم
هاشوف واحسب كام ليله
من حبي فيكي مشوفتش نوم
وقولك فاكرة كلامنا بالساعات
بنرسم حياتنا ونقول حكايات
ونختار لولادنا احلي اسامي
بس خلاص الحلم مات
معقول حبنا بقي زكريات ؟
وانا وبفكر وفيكي مشغول
تيجي اغنية بنسمعها علطول
انا ليك وانت ليا
مهما العمر بنا يطول
بس النصيب كان قاسي علينا
في لحظة حسم كل الامور
وضاعت العصافير وإتشردت الطيور
بعد ما كانت بتغرد وتقول
الحب سيفهم والعشق حصون
والفرح حالفهم ومن السعادة هايبنوا قصور
ودموعي تنزل ويشوفوني مكسور
كله فرحان وبيرقصلك
وانا قلبي من الفرح محروم
معقول هاقدر اجي واتحمل كل ده ؟
لا ياحبيبتي سبيني لوحدي وسط الهموم
اعذريني مش هاقدر اجي فرحك
لأني لو وقعت مش هاينفع تاني اقوم .
ليست هناك تعليقات:
إرسال تعليق