غصب عني بقلم الشاعر جمال الشرقاوي
غصب عني
كنت بكدب يوم عليك
لمَّا قلت انا دايبة فيك
لمَّا كنت بقول حبيبي
و قلبي كان ساكن عنيك
غصب عني
كانت بدايتي معاك جميلة
و مشينا فــ السكَّة الطويلة
كنت دايماً اقول حبيبي
أنا بعشقك و لا عندي حيلة
غصب عني
فجأة لقيتك مش معايا
بتصدِّني بتجرح هوايا
كل م اقولـَّـك يا حبيبي
تقولـِّـلي م تحبنيش ... كفاية
حُـبِّي ليه بيهون عليك
حتىَ و دموعي تناديك
غصب عني
غصب عني
كنت بكدب يوم عليك
لمَّا قلت انا دايبة فيك
لمَّا كنت بقول حبيبي
و قلبي كان ساكن عنيك
غصب عني
غصب عني كنت بكدب
لمَّا كنت مني تهرب
إعذرني ... بسأل نفسي ليه
بتبعد انتَ لمَّا اقرَّب
أنا ليه م بصعبش عليك
دة جرحي منـَّـك و بشتريك
غصب عني
غصب عني
كنت بكدب يوم عليك
لمَّا قلت انا دايبة فيك
لمَّا كنت بقول حبيبي
و قلبي كان ساكن عنيك
غصب عني
ليست هناك تعليقات:
إرسال تعليق