كفايه بقلم الشاعر ابراهيم حمدان
خوفك عليه كفايه
وأنا بخاف أكتر
وعمرك عندي وصايه
من قبل ما تظهر
وقلبك أملي ومنايه
وحبك ما يتقدر
والحب اللي جوايه
كل يوم يكبر
وأنته مش معايه
ولا حتي تتذكر
ولا عارف إيه دوايه
ودوايه فيك سكر
كان نفسي تكون سمايه
وسمايه بتمطر
وتفضل كمان حدايه
وتنام متعطر
وتصحي من البدايه
فرحان تتشكر
ليه كلك خبايه
وإيه تاني بتحضر
وأنا قلبي بيحب الهدايه
ما يحب يتعكر
ولكل شئ نهايه
طيب ليه تتمكر
خليك هنا ويايه
نعيش ونتمخطر
وننسي آي آسايه
بس أوعي تتبطر
ليست هناك تعليقات:
إرسال تعليق