(يوم فرحه) بقلم الشاعرشاعر_علي_اوتار_المشاعر
ورغم تعبها اصرت تنزل
وحلفت لازم بس تشوفو
ولبست فستانها إللي إخترهولها
وكان نفسه في يوم يشوفها عروسة
وخدت صاحبتها وراحت القاعة
وكان الحزن مالي كيانها
بس تشوفها تقول دي شجاعة
ودخلت جوة تشوفو بعنيها
جنب عروسته وإيده في إيديها
بس كانت حاسه بيه
بيضحك بس عشان يداري دموع عنيه
وعيونه تلف كل مكان
لأجل يشوف احلي ملاك
إللي النصيب فرق مابنهم
بقا هو هنا وهي هناك
وخلف الباب كان هو مكانها
فضلت واقفة تبص عليه
ومكنتش فاكرة إن هايبقي ده حالها
مش قادرة حتي تقرب ليه
وجه معاد الرقصة الهادية
خد عروسته وإيده في إيديها
دموعها تنزل وقلبها يصرخ
وفي ثواني كان مغمي عليها
وعالمستشفي أوام ودوها
والدكاترة بيفحصوها
والكل إحتار في وصف تعبها
وعالعناية علي طول نقلوها
وهي نايمة دموعها بتنزل
زي ماقالوا هما شافوها
عجيب ياحب جراحك قاسية
ده الدكاترة إحتاروا فيك
مش لاقين لجراحك دواء
يشفي حتي جرح فيك
وقت الفراق بنلاقي جراح
وندور عليك مش بنلاقيك
شوفت البنية بقا هو ده حالها
عشان في يوم سلمت ليك
وتمر ساعات وتفتح عينها
ويجوا حواليها يلفوا يطوفوا
يطلع صوتها بضعف تقول
هاتوهولي هنا انا عايزة اشوفوا
ويروحوا بسرعة يجروا عليه
شافهم وقف علي رجليه
نزلت منهم دمعة حزن
قولولي بسرعة حاصل ايه
جاوبوا بسرعة عليه وقالولوا
دي في المستشفي بتناديك
وبينها وبين الموت كام خطوة
بس روحها متعلقة فيك
سايب فرحه وبيجري عليها
سامع صوتها بينده إسمه
والدموع انهار في عنيها
وصل المستشفي وعند اوضتها
سمع الدكتور جايب في سيرتها
دي خطيرة جدآ صدقوني حالتها
وفي إيد ربنا هاتكون نهايتها
عقله إتجنن من الكلام
ويقول دي مش الحقيقة دي اوهام
دخل الأوضة وكانت نايمة
وبهدوء يمسك إيديها
ودموعه تنزل انهار دم
تشوفها ولله تحزن عليها
بس في لحظة حست بيه
مدت إيدها تمسح عنيه
لسانها تقيل عن الكلام
بس عنيها إللي بتتكلم
اوعي تدمع ياحبيب عمري
من دموعك انا بتألم
طلبت منه ياخدها في حضنه
وإبتسامة ويا دموع
تغمض عيونها وتفارقها روحها
بتودعه من غير رجوع
وصرخ الصرخة وكانت هي
جوة حضنه منتهيه
اه من الدنيا ومن قسوتها
في حضن حبيبها تكون نهايتها
كان نفسها الفرح يزورها
وتلاقي السعادة ماليا بيتها
بس النصيب هو إللي خانها
وهي دي ياناس قصتها .
ليست هناك تعليقات:
إرسال تعليق