يا جميلة بقلم الشاعر محمد الشرقاوى
اللي خانك لسه ساكن
جوه قلبك
واللى عاشق لون عيونك
تاه فى دربك
واللى سافر
واللى هاجر
واللى كان
موهوب و شاطر
نسيوا خالص
حلم قربك
ما انتي وعدك لينا طار
واختفت شمس النهار
والتقينا
حلمنا وسط الحصار
شدوا إيدك
رحتي ماشية
خانوا عيدك
وانتي شايفة
واللى جارح قلبي منك
طول سكوتك
هاتي كل الحمل عنك
على صوتك
واطردي القلب اللي خان
وارسمى بر الأمان
يا كحيلة
ليه تعيشي فى الهوان
رمش عينك
لو يشاور راح يشوف
مدى إيدك
تلقى م العشاق ألوف
يصنعو أجمل كيان
يخدموكي مدى الزمان
يا جميلة
بس سيبك م اللى خان
بس سيبك م اللي خان يا جميلة
ليست هناك تعليقات:
إرسال تعليق