تعرف بقلم الشاعر خالد العطار
تعرف ..؟
لو مرة تسمع فيها صوتي؟
تعرف ..؟
سكوتك يعنى موتي
قدام الناس ولا هامّك
وأنا شايل جوايا همّك
وقلبي من يومه ... يمك
ومش فارقة معاك ...
كلامي أو سكوتي
تعرف ؟
لو مرة تسمعني؟
والآه منك بتوجعني
أموت قدامك وإيه يعني
مش فارقة معاك...
حياتي ولاّ موتي
الكل بيحسدني عليك
وأنا مِنّك وكلّي ليك
قلبي رهن بين اديك
ويفضل قلبك هوّ بيتي
بحبك وحبك نور جوّا ضلمة
والدنيا من غير وجودك ضالمة
حبك في قلبي جنة
يا ريتها بين شفايفك كلمة
تفتكر مرة وتسمع فيها صوتي
ليست هناك تعليقات:
إرسال تعليق