مش كل الناس بقلم الشاعر طه الروبى
مش كل الناس
بتعرف تدارى
فيه ناس بيبان عليها
من كلامها
وناس بيبان عليها
من عيونها
وناس متعوده تحكى
اللى حاصل واللى
جارى
مش كل الناس بتعرف
تدارى
فيه ناس جواها سالك
مش مجارى
وناس من طبعها سهر
الليالى
وناس من طبعها تغنى
وتلالي
وناس متعوده تلف
الحوارى
مش كل الناس بتعرف
تدارى
مش كل الناس كتومه
وخجوله
ولا كل الناس عندها
ثبات انفعالى
فيه ناس العصبية فى
دمها
واقل كلمة بتستفزها
وتلاقى منها الدمع
جارى
وفيه ناس طبعها طبع
الجمال
بتصبر على الكلام
ايام وليالى
مش كل الناس بتعرف
تداري
ليست هناك تعليقات:
إرسال تعليق