قصيدة «ياعود » بقلم الشاعر سعيد الزيدي
ياعود اعزف حزن
خلي الگلب ذايب
محني الظهر ياعود
باكورة حزن شايب
باعاني الوگت ياعود
ومحمّل.. نوايب
ياعود غنّي ابصَبَه
رجعني لايام لصِبَه
ياعود بچاني ليلي
كومة دمع جايب
ياعود حاجيته بهمس
بسك ظلام من امس
خليني اشوف الشمس
ياعود يضحك علي
ويگلي... خايب
ياعود صاحب ابد
ماضل وفي وياي
يرميني بسهام الحجي
يشربني مثل الچاي
ياعود.....
ويگلي ..طايب
ليست هناك تعليقات:
إرسال تعليق