يجوز بقلم الشاعر عادل عوف
يجوز البنت لو حزنت تهرب جوه تكشيره
وتتحاما في صحباتها
وتتداري في نضاره
يجوز البنت لوحزنت
تبقي الكلمة نداره
ويخرج منها الكلام مغسول برعشه قلب متوتر
وتبقي الدنيا في عينيها
اضيق من حيطان البيت
وتلجأ دغري للحواديت
عشان تبكي بدون اسباب
تبقي قصدنا متماسكه لكن من جواه الف حساب
عن الجايز
عن ممكن
عن الناتج عن الاسباب
وتفضل تبكي وفي حيره ويومها يبتدى بغروب
وكسلانه وقاعدة في جنب
حاضنه مخده او دبدوب
ليست هناك تعليقات:
إرسال تعليق