نفسي اكمل من غير قلب بقلم الشاعر عادل عوف
نفسي اكمل من غير قلب واعيش لنجاتى
تعبت كتير وشوفت اكتير جدا في حياتي
انا لو أحكي طب أقول إيه
وقلبى أنا فيه اللي مكافيه
ياما كتير خوفنى عليه
قولت حيبقي سبب لماماتى
نفسي اكمل من غير قلب
انا مش عايز احس واخاف
ولا اتحب واحب ودوب
كان ح يجيبلي قميص الاكتاف
لما عشقت في مرة يادوب
انا حرمت خلاص من يومها
عمري مافكر تاني اعملها
سيرة الحب دي كتر خيرها
بتدومني سكك ودروب
نفسي اكمل من غير قلب
انا مش هقدر اجرب تاني
واهو كان درس ومرة كفايا
دا مافيش درس طلع مجاني
وهعيش جرحي سنين جوايا
كل ما ح انسي بيه يفكرنى
باللي تعسني وياما هجرني
واللي بكل قساوه نكرني
بعد ماكان ديما ويايا
نفسي اكمل من غير قلب
عايز اكون زيك وانساك
ياللي قدرت تبعنى في ثانيه
انا ليه لسه شايفني معاك
وانت بتبدا في حياه تانيه
عايز افوق من وهم صنعته
وانقذ قلبى عشان ضيعته
وانهي الحلم اللي انته قاطعته
ولسه بعيشه كانك دنيا
نفسي اكمل من غير قلب
ليست هناك تعليقات:
إرسال تعليق