الفاگد ولف يشعر مرار الماي بقلم الشاعر جبار الشمري
الفاگد ولف يشعر مرار الماي
و بزردومة أبد ما فاتت اللگمة
يضحك بالچذب بوجه مضيوم
شتتوقع يضمم لوعة وهظمة
أخذ الحكمة منة هذا مفجوع
وأعمل باليگلك وارتضي حكمة
زين أنطاه عقل ربة كريم وياه
بس مرات گلبة يضربة ويلچمة
يجرع الكاس بلا وعي ممنون
مو كاس السكر الكاس من سمة
وحي الشعر ينزل يدرس وياه
گبل لا يقرة منه يفهمة ويعلمة
حيل يربي علة الما عرف معناه
ترة الفاگد صدگ يتغذة من همة
أخذ أمراد منة الفارگ أثنين
المسافر حبيبة و الفگد أمة
بيمن يحتمي و المن يدير العين
كلها تريد نور و هوة بالظلمة
لتظن يدگ بابة الهوة خجلان
يتنفس قهر و يگاوم النسمة
مثل شيش الدوة الفارغ يشوف الناس
كلها تريد طيبة و يمة ملتمة
ولا بيهم أمل بارق و يتمناه
و لا من ينجرح لزمة
ترة الفاگد نبي واقرب شخص لله
بس الفرق واحد بولفة يسمة
صنطة عيشتة ينطق چلمتين
أتمنة أموت و ها يمة......
ليست هناك تعليقات:
إرسال تعليق