يكفي تلبس وجه ثاني بقلم الشاعر جبار الشمري
يكفي تلبس وجه ثاني
وأنتة خالي من الحنين
فرحة الضحكة بعمرها
أهواي نختمها بونين
ليش تحچي بالأمان
يلي ذابحلك ضنين
مثلت دور البراءة
ومشهدك مشهد حزين
صدگوك وواعدتهم
فعلك أنتة أشگد مشين
غلط ويثقون بيك
شنعاتب وفاتت سنين
أحساسي والنظرات خابن
مدري من أيوو عجين
أعترف بلكي أگدر أنسى
كافي تلبد بالعرين
ليمتة منطيني گفاك
أمنين ما أشوفك البين
يزي ملانا الزمان
أحنا ماضينا هجين
منا حتى الأمل ضايع
والحلم أصبح سجين
ملك لو بلقيس أجيبة
هم تگلي زائف وهذا لجين
حقد لا مو شوگ شايل
والله يعلم ياحقد شايل دفين
گمت أشك بروحي حتة
إذا حتة التحبة صلب گلبة وما يلين
بقصتك شفت آني عجايب
مو كلشي من تنخا يعين
زين بية حيل باقي زين واگف
أكدر أحچي الحمدللة وعايشين
ليست هناك تعليقات:
إرسال تعليق