ساعة صفا بقلم الشاعر/ محمد مندور
بتحس انك فوق السحاب بتتبخطر
وقلبك مبسوط مش شايل ومتعكر
واللي كرهته في يوم شلته بسهوله م الدفتر
بالك أهو رايق و لا ف دنيا بتفكر
ال راح وال جه كله عندك إتشفر
بتبص للنجمه تحسها بسكر
والسما واسعه ختها ميت منظر
وال تخبي تحطه متسطر
الحرف بالحرف يزقه يتحضر
وتغني يا ليل إياك ف يوم اوعه تتأخر
عاشقك ياصحبي بعشق لونك الأسمر
وحسك الساكت ال فيا بيأثر
ولو غفلت لحظة تلاقيه بيتعطر
يتلون ويتمكيج ويرسملك ويتنضر
كأنها أول مره وتقول عمره ما تكرر
لما سألت عنه ليه عل طول بيتنور
ليه في الزينة مغموس ليه بيتعمر
ليه مكتوب نحبه من غير مندوّر
ليه ال صاحبه شده ليه كده أكتر
تهت واحترت وقلت ياد هتدبر
بص ع اللوح أكيد هتتذكر
لقيته معلوم مقسوم ومتقدر
يغشى وفجره آيات بتتفجر
وقلت أعرف كمان لازم استفسر
قالولي دا ال يمشي ف ضلمته يتحرر
ومن وسط الخلايق ولا بيتضرر
محفوظ بحفظه وغيره متكدر
ال الصلاه فيه فضلها أكبر
دا الصفا بالليل حب متفلتر
ملامحه مرسومة تضحك ولا تكشر
ليست هناك تعليقات:
إرسال تعليق