صدگ تحچي بقلم الشاعر جبار الشمري
صدگ قررت وك تمشي
أنا بعازتك لتروح
من أتروح وك شحچي
صدگ ناوي
ولا منها مجال لهجرك أنداوي
العين بلا ضواها أتموت
الفارگ روح وشيرچي
لخاطر الله گلي أشبيك شمأذيك
حقي أعليك من أبچي
البيني وبينك أحلة أيام
منهن شگدر آنة أنسي
آكل روحي لو زعلان
أصبعي يعشق بضرسي
وإذا رضيان أحس الدنيا بيها ألوان
كل هذا وعلي تقسي
بس بحالة وحدة أنساك وأفرحلك
ويرچلي اعليك وچ دبچي
إذا لأجل العراق أتروح
أخذ وياك وك نفسي.
ليست هناك تعليقات:
إرسال تعليق