الله يرحم ناسنة بقلم الشاعر جبار الشمري
الله يرحم ناسنة الچانت ولف
وية كل مبعد تحسة أنها عرف
الله يرحم ناسنة
الظلت باحساسنة
فقط من ينساهم الگلبة صلف
الله يرحم ناسنة الچانت ولف
الله يرحم ناسنة الطيبين حيل
دوم تلگة أبحچيهم حبات هيل
شايبهم شگد يفتهم
والشاب أبو طبع الشهم
ناسنة عن هسة كلش تختلف
الله يرحم ناسنة الچانت ولف
الله يرحم ناسنة الربت أجيال
ناس بيها غيرة وتهد الجبال
ناس ربت للغلف
وناس بس ربت زلف
الله يرحم ناسنة الچانت ولف
الله يرحم ناسنة العرفت تعيش
ذهب جوة أديها لو نگل الحشيش
الحايط أزرفة زرف
مو هسة بالضحكة تخذف
الله يرحم ناسنة الچانت ولف.
ليست هناك تعليقات:
إرسال تعليق