حيل أتأخرت بقلم الشاعر جبار الشمري
حيل أتأخرت ماظل شغف بالروح
ولا ظلت أماني الترتجي نرجع
أنگطع حبل الرجة بأيام سنطت ليل
عگب حبل الرجة يا حبل ظل تگطع
چنت أطمع بساعة أگعدها آنة وياك
ما أدري أنتة بيمن وك چنت تطمع
گبل تطلع أعيوني يوم أباوع ليك
گامت روحي لو عاينلك التطلع
محشوم البخت بس مالي گصة بيه
أهي گطرة حيى لو طاحت شتزرع
شگد مستحية چانت والحجاب أنگاب
هسة بكل صلافة يحلالها تفرع
ما صر عل شط الخلط مية بكيف
هذا شما صفة ما ظني بيه أرتع
مو طماع بالحب لوما يسر العين
ولا آنة المو إلي من عندة ما أشبع
فلا غابة العشگ أفهمها يبن الناس
ولا طولة حصن يحكمها من أسبع
جواهر المشاعر بيد ويد أتلوگ
مثل أمدومن بكل حيلة من يرگع
أنصحك تنسة حبنة ألما بچيت عليه
كلمن بچة لحاله ومشهدة اليفجع
خلص وكت اللعب أعذرني ماظل دور
أصم وأبكم وأعمة شترتجي يسمع.
ليست هناك تعليقات:
إرسال تعليق