فستان بقلم الشاعر عاطف عبد الحميد
طب مالو فستانك...يا ماريا متعفر؟
ولا غيرها وإحزانك...هيا اللى ف المنظر؟
و السن ف جبينك...و الفرح مسجونك
وأنا لسه ف عيونك...ع الحلم متحير ؟!!
.......
ما للنسيم عدى...شميت انا الاحزان؟
بقت العروس جده...و مكرمشه الألحان!!
والسحر تاه والريش. ..بين عالم الخفافيش
ونوارس الكورنيش...ما بقتش بالألوان
يا مبعتره حلمنا...حواديت ف كل زمان!!
.......
يا أميره ف الحكايات...فين راحت والصوره؟
و شوارعك المرايات. ..ف عينيا مكسوره؟
واللى ف هواكى اسير...مابقاش خلاص بيغير
لو سكتت العصافير...ف سماكى معذوره!!
بس انتى ف عيونى...لساكى اموره!!
ليست هناك تعليقات:
إرسال تعليق