بصالح / واسامح / بقلم الشاعر #عادل_عوف
بصالح / واسامح / و أرضا بضحكتك تعويض
وألم الحزن م السكة
وادي الفرح 100 تفويض
بلاش من تاني تبقي بعيد
واعيد
الكارة من تانى
انا حزنى اللي بكانى / بقي زيي
علي الاحزان / برتبة سيد
بليد الوقت وانتي هناك
قالوالي الفرح بيستناك
يفاتحة في السما شباك
بريد الوصل / وصله وريد
هنمشى السكة للاخر بدون اعزار
رابط ليل لي بنور فيكي وألف نهار
غياب من تاني مش مسموح
ولا بعدك كمان ممدوح
تروح الروح في وقت البوح
فزاد الشوق.... و زاده نار
ماليش غيرك ودة مثبوت
بموت في البعد ألفين موت
وادوب فيكي ولا البسكوت
واذوب في عينيكي م الإبهار
ليست هناك تعليقات:
إرسال تعليق