قصيدة «ريل الغدر » بقلم الشاعر المهندس سعيد الزيدي
شنسه منك گلي شنسه
الورد صح يتنفس هوه
بس يموت بغير شمسه
وانته ورد ظل تعودت
تعيش بلايه ضوه وسكته
الف وجهين الك ماتنحزر
ناعم مثل حية تبن وصفه
يمن حبك چذب ودغش
كلي شوكت تعدل و تصحه
همس صوتك يضل باذني
ويدگه الگلب كاسيت ونسه
تطرب اله نجوم الليل
سهرانه وتواسيه على ونته
مليان كلي وفه وهذا انه طبعي
وياحسافه عمري الك ضيعته
سمَّك غدر تسگيه بلا أسف
ياريل الغدر هذا انا وهذاك انته
ذنوب العشگ تحمله محطات
وتعذب لروح وهي الك سچته
ليست هناك تعليقات:
إرسال تعليق