أنخاطبمن بعد يا دولة البترول بقلم الشاعر جبار الشمري
أنخاطبمن بعد يا دولة البترول
إذا كل اليگضنة يصرط بدمنة
گبل واحد حرامي وندري من يبوگ
هسة أتبوگ كلها وسببت همنة
يل تحچي بعلي صخمت وجهك ليش
معقولة علي صاير ميفهمنة
يل عندك عمر قبلة وتصلي عليه
ولك حتة الگبر رافض ميدفنة
لو أعبد صنم چان الصنم تحيه
بس لأن مسلم صحيح أتريد تحگرنة
مو ضد أي حزب بس ضد الأحزاب
إذا صارت شلع تحاول تسمنة
صرت من أنجرح أطبب بثوب
شكم مستشفى حاقد لا ميقبلنة
لأن هاوي الوطن وذنبي أحبة حيل
كلما أبني بيه الگاك ظالمنة
إلى كل شي سياسي وشطول عندة آذان
أجة وكتك ابد ما راح تغلبنة
مثل واحد أعرفة أشگد عليه نرتاح
عليه مكتوب نركب لا ما يركبنة
عذرك خلص چانت حجتك تحرير
يمن طببتة نعرف رايد تشلنة
مخلص كل حچي تكملت السنة وعام
عگبها بربي صدگ كلشي ميلمنة
هذا آخر إنذار أفهمها إذا تريد
شنو قيمة حياتي البيها ساگمنة
طز بالدولة إذا ما عدها تعين
جوعتوا البطن والعلم خاصمنة
آنة أغنة بشر وأصبح فقير أشلون
شنو فرحان بيك تريد تحكمنة
يا أمة محمد أصحوا كافي النوم
ترة صار الوطن بيد إلي قسمنة
ليست هناك تعليقات:
إرسال تعليق