جابوا سيرتك بقلم الشاعر جبار الشمري
جابوا سيرتك حركوا بية المات
إحساسي ولهفتي الحاين الذكرة
حسبالي نسيتك و دارت الأيام
أتضح صعبة المشاعر تفهم الفكرة
چنت أجبر الروح أن ما تمر بالروح
تطلع مني روحي وتذكر العشرة
عقدت بيوم هجرك سايكو أسبيكات
گلت خليني أوزعة وننفض الشجرة
ثاريك أنتة قدسي الماگدرت أسهاك
الحبل ما ينگطع لو ظالة شعرة
تمشي وية النبض كل ذبذبات الصوت
تردد أسمك أيولدلي كم سعرة
علية أثكال فاتن حتة العرج گام
و لا گايم مچانك يأكل شكبرة
شكم صايغ يحبني جروحي چة تسگام
صنف وية الألم يا لوعة الزهرة
إذا گت أرتحت وستسلمت للنوم
طيف عيوني يلچمني ويجي بعبرة
كلما تمسي أنسة أشواگك وأنساك
شجاك من الصبح أتفزز الفقرة
غني حبي إلك حتة أحس مليونير
بس وسفة الفوارق چن واحد يحقرة
شاب وشاب گلبي رغم بعدة أزغيّر
هم زين اللة تستر شيبنة الغترة
ما ينحمل همي الشلتة بچفاك
و لا منشود عنة الساكن بگبرة
المصيبة أخضر يظل كلما أمسحة يزيد
قلم عل ورقة يبچي ويصب من حبرة
فاتاني الدرس غير أقتنع كسلان
راسب ليش واجب عندي ومحضرة
بيت الما يزورة العشگ أتعس بيت
يظل مهموم لو يعلة بعلو الحضرة
صوتك يرن بذني خوطة إستيكان
عمر يگضي حزن أشلون تتصورة
تكسر ظهري لو گلبت الأرقام
شجاك من أتصل كل واهسي تكسرة.
ليست هناك تعليقات:
إرسال تعليق