انانيه بقلم الشاعر عاطف عبد الحميد
أما انتى صحيح انانيه
مالكانى بكل ما فيا
وينادي الدينا بأسمك
ولا غيرك شايفه عينيا!!
......
مكتوب اسمك ف جبينى
يقراه الناس وياكى
بتقوله بلهفه عيونى
و بشوفها بتستناكى
وكأنى ما عشتش قبلك
ولا يوم من قبل ماأقابلك
والقلب راضيكى و قابلك
والغصن يميل لهواكى!!
بس انتى صحيح انانيه
صوتى على قد نداكى!!
.......
أنا بهرب منى أليكى
لما ازعل منى شويه!!
وأن يوم خاصمتنى عينيكى
بيضيق الكون حواليا!!
و بحسك بين انفاسي
نسمه تعطر احساسي
يازمانى واهلى و ناسي
ولا غيرك شايفه عينيا
وبنادى الدنيا بأسمك
بس انتى صحيح انانيه!!
ليست هناك تعليقات:
إرسال تعليق