سامحيني ما دريت الليل ويل بقلم الشاعر جبار الشمري
سامحيني ما دريت الليل ويل
هسة طخن توهن أحچاياتچ
اليبني بيتة علة الرمل حتما يطيح
آني ما قاصد أبد دمعاتچ
ثقي ما چذبت من گتلچ هواچ
ينزل بريتي .... گبل رياتچ
أحنة شنسوي إذا الدنية حظوظ
وحظي ما يضحك مثل ضحكاتچ
بعدچ بعيني مثل حلمي السعيد
حيل أحب حلمي الحلة بجياتچ
أهواي حبيتچ وحگ لعب الجهال
وردت طفلي من عمري ذاك الفاتچ
بيمن أحلفلج فلا ضاحك عليچ
وروح كل ميتلي إي وحياتچ
أنتي عندي بعز ضواي بليل عيد
شنهو عيدي الما زهة بضوياتچ
واگف أنتظرچ مثل ساعي البريد
وگلبي يتگمهز علة خطواتچ
ها تجي لوما تجي معذورة حيل
والمشكلة مسجل عدد طلعاتچ
شگد حريص أزگيچ من عيوني ماي
گبل لا يعطش غصن ورداتچ
كثر حرصي وخوفي لاخسرچ حرام
أنگلب كلشي وسببت حسراتچ
هم يتيم الما حسب يخسر حبيب
ويتيه الما يصارح لو ساكن أولاياتچ
غلطة الشاطر بألف گالوها ليش
غلطة العاشگ فرح شماتچ
لو تعرفين الندم الآني بيه
عدد ما شايل جلد شعراتچ
يلة أقبلي أعتذاري وكافي عاد
مختنگ كلش... بلا نسماتچ
سامحيني الدنيا ساعات وتفوت
وأبد ماظلي وكت لو عدن أنتي أوقاتچ
ممكن أنوگف جرس لو دگ عذاب
حبنا خلي يسود حزن أزماتچ.
ليست هناك تعليقات:
إرسال تعليق