هيّن يا جرح لازم وكت وأطيب بقلم الشاعر جبار الشمري
هيّن يا جرح لازم وكت وأطيب
مظل للأبد تحتاج ضمادة
إلك ساعة يعود الراح والتهواه
ما تتنخة بيها أوسادة و عبادة
تلتم يا جرح لمة عزة ومصاب
بين أهلك فلا تحتاج سدادة
ينكسر عين الملح مايظل بيها أصلاف
ألما غزر وياها وصنعت أحقادة
تبرة وتنتهي كل وجعة ثق وتروح
تظل آثار سفرة لواحد إيفادة
كل لوعات حزنك تنگلب ضحكات
من أخيوط شدك نصوغ الگلادة
أتأمل الخير الخير كلة يجيك
كل شر يندحر لو جدمت إلإيرادة
خوش أتحاسب أنتة بيها اليأذوك
كره ذاك الصنم لشروگي ولسادة
ما توگف أتوزر تصيح چنك موت
الظلم من ينعكس تتغير العادة
يمكن من تطيب أتعدل المچتول
الجرح من يندمل يستحضر أمجادة
بلسم للجرح ساعة إلي بيها يشوف
النصل مجروح بس يرتاح بغمادة
تطرب من ونيناك داخل أنتة تصير
بيا طور اليجرة بي حسرة لبعادة
ترة فود الزرع مو كثر اليزرعون
أحچيلي أنتة گلي أشلون بسمادة
مو كل منجرح أتهيض منة أدموم
البراسة أنطبر شو جرحة ميلادة
سد ماسد فريضة وهوة بين وبين
جرح الروح تحير بطبة العيادة
ليست هناك تعليقات:
إرسال تعليق